Depressiya nədir ? Depressiyanın əlamətləri

Depressiya nədir?

Depressiya (depressiv pozğunluq) ciddi, lakin müalicə oluna bilən tibbi xəstəlikdir. O, özünüzü necə hiss etdiyinizə, necə düşündüyünüzə və hərəkətlərinizə mənfi təsir göstərir. Depressiya daim kədərli vəziyyətə düşməyə və müsbət hisslərdən həzz almamağa səbəb olur. Depressiya müxtəlif emosional və fiziki simptomlara səbəb ola bilər. Depressiyadan əziyyət çəkən insanların evdə və işdə tapşırıqları yerinə yetirmək qabiliyyəti azalır.

Depressiyanın əlamətləri nələrdir?

Kədərli və mənfi hadisələr zamanı kədərlənmək normaldır. Depressiyada hisslərin kədərlənməkdən daha fərqli ölçüləri var. Buna görə depressiya və kədəri qarışdırmaq olmaz. Əsas depressiya əlamətləri:

• Hər an kədərlənmək
• Gündəlik fəaliyyətlərə maraq və həzzin itirilməsi
• İştah dəyişiklikləri: həddindən artıq yemək və ya iştahsızlıq
• Yuxuya getməkdə çətinlik, tez-tez oyanmaq və ya həddindən artıq yatmaq
• Daimi yorğunluq hissi
• Nitqdə və hərəkətlərdə yavaşlıq
• Özünü dəyərsiz və günahkar hiss etmək
• Konsentrasiya itkisi, qərar verməkdə çətinlik
• İntihar meylləri

Depressiya diaqnozunun qoyulması üçün yuxarıda göstərilən simptomların ən azı iki həftə davam etməsi lazımdır. Depressiya uşaqlıqdan qocalığa qədər hər yaşda baş verə bilər. Xəstəlik ehtimalı qadınlarda daha yüksəkdir. Bir dəfə depressiyaya düşmüş insanların daha sonra həyatda təkrar depressiyaya düşmə şansı var.

Depressiyanın səbəbləri nələrdir?

Depressiyanın tək bir səbəbi yoxdur. Psixoloji, bioloji və sosial amillərin hər biri depressiyaya səbəb ola bilər.

Depressiya üçün risk faktorları varmı?

Valideynlərin erkən itirilməsi, sevdiyin birinin ayrılması və ya ölümü, aşağı sosial-iqtisadi status, işini itirmək, alkoqol və ya maddə istifadəsi, boşanma, pis və travmatik uşaqlıq, əvvəlki depressiya, ailədə depressiyanın olması, müəyyən dərmanlar, hormonal dəyişikliklər və bəzi xəstəliklər depressiya üçün əsas risk faktorlarıdır.

Depressiya diaqnozu necə qoyulur?

Depressiya psixiatriyada dəqiq müəyyən edilmiş və təsnif edilmiş bir xəstəlikdir. Diaqnoz xəstədən alınan dəqiq hekayə ilə qoyulur. Həkimlərin istifadə etdiyi depressiya testi də var.

Narahatlıq pozğunluğu (anksiyete pozğunluğu) mövcud vəziyyətlə əlaqəli olmayan sıx bir narahatlıq və qayğı vəziyyətidir. Bu, insanın gündəlik və sosial həyatına təsir edir. Narahatlıq adətən iş, sağlamlıq, pul və ya ailə ilə bağlı olur. İdarəolunmaz narahatlıq vəziyyəti ən azı 6 aydır davam edir. Narahatlıq pozğunluğu (anksiyete pozğunluğu) depressiya ilə fərqli fərqli anlayışlardır.

Depresiyadan çıxmaq yolları hansılardır?

Yuxarıda qeyd olunan simptomlardan bir neçəsi ən azı iki həftə davam edərsə, psixiatrla məsləhətləşmək lazımdır. Depressiyanın müalicəsində dərmanlarla yanaşı psixoterapiya da tətbiq edilir. Qeyd edək ki, burada ailənin mənəvi dəstəyi son dərəcə vacibdir.